Stínu svæði

Ég á ammæli í dag!

Wed, 03 Dec 2008 10:43:59 GMT

Bara fyrir þessar örfáu hræður sem vita það ekki þá er ég víst komin á fertugsaldurinn... 8|

Er þetta e-ð sem koma skal?

Wed, 28 May 2008 14:57:58 GMT

TIL MÖMMU MINNAR
Mamman gekk framhjá herbergi dóttur sinnar og varð nokkuð undrandi að sjá að það var búið að búa um rúmið og taka vel til í öllu herberginu. Hún sá að það var umslag á miðju rúminu og á því stóð 'Til mömmu' Mjög áhyggjufull opnaði hún umslagið og las skjálfhent bréfið sem í því var: Elsku mamma: Það hryggir mig nokkuð að þurfa að segja þér með bréfi þessu að ég er hlaupin að heiman. Ég geri þetta svona, til að koma í veg fyrir að þið pabbi reiðist mér. Ég hef að undanförnu fundið sterkar tilfinningar til Ahmeds og hann er svo yndislegur, þrátt fyrir öll götin, húðflúrin, skeggið og mótorhjólagallana sína. En það er ekki bara það elsaku mamma mín, að ég ber svona sterkar tilfinningar til hans, því að ég er ólétt og Ahmed segir mér að hann sé svo glaður með það. Hann er þegar búinn að kaupa hjólhýsi fyrir okkur að búa í og hann er búinn að safna helling af eldivið til að halda á okkur hita í allan vetur. Hann er búinn að segja mér að hann langi til að eignast með mér fullt af börnum og ég er svo innilega sammála honum með það. Ahmed hefur kennt mér það að marijuana geri engum illt í raun og veru og ætlar hann að rækta nóg af því fyrir okkur þannig að við munum eiga nóg af því afgangs til að skipta á því og kókaíni og e-töflum handa okkur báðum. En ég vona líka að vísindamenn finni fljótlega lækningu á AIDS svo að Ahmed mínum batni, hann á það svo skilið!! En ég bið þig að hafa ekki áhyggjur mamma mín, því að ég er nú orðin 15 ára og kann alveg að sjá um mig sjálf. Þar að auki er Ahmed orðinn þrítugur, þannig að hann veit vel hvað hann er að gera. Einhvern daginn ætla ég svo að koma í heimsókn, svo að þú getir hitt öll barnabörnin þín. Þín dóttir, Lilja

P.S. Mamma, ekkert að ofansögðu er satt. Ég er í heimsókn hjá Siggu í næsta húsi. Mig langaði bara að láta þig vita að það er margt verra í heiminum heldur en einkunnaspjaldið mitt sem er í efstu skrifborðsskúffunni. Ég elska þig. Láttu mig vita þegar það er óhætt fyrir mig að koma heim. Eigðu góðan dag ! "Mamma"

Góður draumur maður

Sat, 02 Feb 2008 17:22:48 GMT

Undanfarnar nætur hefur mig dreymt skemmtilega drauma, í fyrri nótt var einn ekki ónýtur.

Ég ætlaði að sækja Siggu og Viktor (vinkona mín og sonur hennar) en þurfti bíl. Þar sem ég var nálægt vinnunni þá ákvað ég að koma þar við og fá vinnubíl lánaðann. Hjalli var orðinn framkvæmdastjóri (kom mér mjög á óvart) og hann lánaði mér bíl. Nú úti á plani stóð óhagstður bíll til að sækja ungabarn. Þessi nýji vinnubíll var silfurgrár, tveggjadyra Benz sprotbíll. Þið getið rétt ímyndað ykkur hvort mér hafi þótt leiðinlegt að þeysast um Sæbrautina á svona flottum sportbíl. Dóttirin í aftursætinu og ég með handlegginn út um gluggann og topplúguna opna.

Dreymir ykkur jafn skemmtilega drauma og mig?

Er kellan úti að aka?

Mon, 21 Jan 2008 20:42:35 GMT

Þegar ég loksins sest niður til að blogga þá týnist færslan mín og allt sem ég skrifaði er unnið fyrir bí. Því er ég komin í fýlu og hætt við að blogga þar til næst.

Ingi hefur það greinilega gott...

Fri, 12 Oct 2007 14:54:43 GMT

... ég man ekki eftir því að ég hafi verið svona við elsku bóndann minn. Þetta er tekið af hinum kjarngóða barnalandsvef.

Sambandsvandræði - HJÁLP

Stelpur, ég er rosalegum vandræðum og þarf hjálp frá ykkur!

Málið er að ég lá áðan í sófanum í makindum mínum en kallinn var að fara út að vinna svolítið. Ég segi við hann "ertu til í að kaupa sjóræningapeninga og paprikustjörnur fyrir mig og skutla þeim heim áður en þú ferð í vinnuna?". Hvað haldiði að fíflið hafi sagt? Þið trúið því örugglega ekki! Hann sagði "ég get það ekki, ég er orðinn soldið seinn nú þegar og ég verð að drífa mig. Getur þú ekki farið elskan?"! HALLÓ! Maðurinn sýnir mér þvílíka óvirðingu! Við erum að tala um það að það er ekkert grín fyrir mig að "skjótast út í búð", ég er komin alveg 15 vikur á leið! Hann ber bara enga virðingu fyrir mér og óléttunni og því sem ÉG ÞARF AÐ GANGA Í GEGNUM! Svo segir hann "elskan" - OJJJJ slísí skíthæll!

Hvað finnst ykkur að ég eigi að gera? Ég er að spá í að vera búin að skipta um skrá þegar hann kemur aftur og henda öllum fötunum hans út í rigninguna. Hvað mynduð þið gera?

Ég er alveg niðurbrotin hérna, ótrúlega svekkt og sár. Ég bara græt og græt. Mér finnst ég svo ein í þessu sambandi!

Glitnishlaupið

Mon, 20 Aug 2007 19:58:42 GMT

Ég er mjög stolt af feðgunum mínum en þeir ákváðu að taka þátt í hlaupinu hjá Glitni um helgina. Ingi byrjaði kl. 10 á 10 km. og kláraði hlaupið á fínum tíma eða um 50 mín. sem er örlítið slakari tími en fyrir 2 árum þegar hann tók síðast þátt. Ágúst fór 3 km. á góðum tíma eða ca. 15 mín en hann kom í mark löngu á undan ömmu sinni og afa en þau fóru sömu vegalengd og piltur.

Annars var ég í nafnaveislu áðan hjá Söndru og Ásgeiri en litli prinsinn þeirra fékk nafnið Jóhann Fróði. Hann ber það nafn vel enda myndarlegur drengur þar á ferð. Sandra samdi ljóð fyrir prinsinn og fluti það í veislunni. Mér fannst þetta ótrúlega fallegt ljóð sem endaði á nafninu, kellingin ég var næstum farin að tárast yfir því hvað allt var fallegt.... væmnin í mér er á háu stigi ;)

Það er ekkert að gerast í bumbumálum hjá mér, fæ í mestalagi samdrætti en enga verki og því er allt rólegt á mínum bæ. Enda eru 9 dagar í settan dag og ég er alveg að gera ráð fyrir því að ganga 2v. fram yfir.

Knús frá kellu.

Nýr fjölskyldumeðlimur

Wed, 11 Jul 2007 10:47:46 GMT

Nú er ég orðin mjög forvitin á því hvort Ásgeir og Sandra hafi eignast stúlku eða dreng. Sandra átti nefnilega að fara í keisara í morgun.

Hvað segið þið? Stelpa eða strákur?

It´s alive!

Fri, 06 Jul 2007 15:37:23 GMT

Ég og fjölskyldan fluttum nú á dögunum í stærra húsnæði nær siðmenningunni eins og einhver sagði. Húsnæðið er lítið sætt raðhús á þrem hæðum og ca. 130 fermetar með litlum garði sem er í órækt. Mikil vinna tók við þegar við fengum afhent, þurfti að þrífa eldhúsið hátt og lágt þar sem innréttingin hafði ekki verið þrifin í að minnsta kosti ár. Fólkið sem við keyptum af hefur verið iðið við að byrja á hlutum en ekki eins duglegt að ljúka við þá. T.d. höfðu þau brotið niður vegg inn í stofu en í staðinn fyrir að spartla (ég veit fyrir víst að þetta er rétt skrifað) í sárið á veggjum og lofti þá settu þau spýtu í staðinn og voru sátt. Þau löguðu ekki parketið eftir vegginn en höfðu þó fyrir því að mála spýturnar.Jæja ég ætla ekki að svekkja mig á öllu sem þau kláruðu ekki og við þurfum að gera í staðinn en hann Ingi minn er búinn að standa sig eins og hetja enda hefur þetta allt lent á honum. Ég stend í mesta lagi hjá og segi honum hvar málningin sé ekki þornuð.

Annars forum við hjónakorn á tónleika síðast liðinn föstudag sem var algjör snilld. Sinfó og Dúndurfréttir eru góð saman en þau tóku meistarana í Pink Floyd fyrir og spiluðu The Wall af einskærri kunnáttu og gleði. Mig skortir fleiri lýsingarorð til að geta tjáð mig betur um tónleikana sem voru haldnir í Höllinni þar sem hver bekkur var þétt setinn. Sinfóníuhljómsveitin byrjaði að spila rólegt stef sem var svo rokkað upp einn, tveir og bingo með ljósasjói og Dúndurfréttum. Gæsahúðin var mætt á staðinn og gott ef ekki að það féllu nokkur tár, svo hrærð varð ég. Bumbubúinn minn var alveg að fíla sig í ræmur þar sem það tók snúninginn og lét mömmu sína finna fyrir sér.

Talandi um óléttuna þá er ég hin hressasta fyrir utan það að ég er með bjúg… vantar bara uppstúf og kartöflur. Fæturnar á mér bera mestan þungan af bjúgnum og líkjast fætur mínir nöfnum sínum sem eiga heima á elliheimilum landsins. Minnir helst á brauðbollur í nælonsokkum, svona eins og gömlu konurnar eru í.

Knús og kossar.

Þetta er ENNÞÁ betra !!!

Sun, 03 Jun 2007 11:43:25 GMT

Your Celebrity Boob Twin:

Angelina Jolie

Who's Your Celebrity Boob Twin?

Nýja klámstjörnunafnið mitt er....

Sun, 03 Jun 2007 11:24:57 GMT

... Alotta Vagina, en ykkar?

Klikkið hér :)

Daglegt líf hjóna

Fri, 25 May 2007 10:03:50 GMT

Ingi og Stína eru gift. Ingi var mikil karlremba.

Þó þau ynnu bæði fullan vinnudag leit hann aldrei við hússtörfum og hélt því

fram að það væri hlutverk konunnar að sjá um þau. En eitt kvöldið þegar

Stína kom heim úr vinnunni sá hún sér til mikillar ánægju að búið var að

baða barnið, vaska upp, þvo þvott og hengja út, dýrindis steik var í ofninum

og búið var að leggja fallega á borð og setja stóran og fallegan blómvönd á

mitt borðið. Stína varð auðvitað forviða og heimtaði að fá að vita hvað

væri í gangi. Eftir nokkrar fortölur viðkenndi Ingi fyrir henni að hafa

lesið í tímariti að útivinnandi eiginkonur væru yfirleitt ásleitnar ef þær

væru ekki svo þreyttar eftir að húsverkin bættust við vinnuna. Daginn eftir

gat Stína varla beðið eftir að segja vinnufélögunum frá þessari breytingu.

"Og hvað gerðist?" spurðu þeir. "Þetta var alveg frábær matur," svaraði

Stína. "Ingi vaskaði meira að segja upp eftir sig, hjálpaði barninu með

heimavinnuna, braut saman þvottinn og gekk frá öllu upp í skápana." "Og hvað

gerðist síðan seinna um kvöldið?" spuriði vinnufélagarnir forvitnir.

"Ekkert," svaraði Stína, "hann var svo þreyttuuuuuur......."

Sinadráttur...

Wed, 16 May 2007 12:32:28 GMT

er betri en enginn dráttur. Eða svo vildi systir vinkonu minnar meina þegar hún var að dandalast með dreng einum í denn. Svo óheppilega vildi til að þegar allt er á fullu þá fær stelpan sinadrátt og æpir! Piltur spyr voða sposkur "Fékkstu það?" Hún svarar um hæl "Sinadrátttur er betri en enginn dráttur".

Annars vaknaði ég upp við sinadrátt í nótt og það kom stuna frá mér enda helv. óþægilegur andsk... þá varð mér hugsað til fyrr greinds atburðar. Mér skilst að þessir drættir séu það sem koma skal. Enda hvimleiður fylgikvilli meðgöngu.

Eitt það leiðinlegasta sem ég geri

Thu, 03 May 2007 11:12:42 GMT

… er að klippa á mér táneglurnar. Mér finnst það leiðinlegra heldur en að skúra (sem er í efsta sæti heimilisþrifa) og leiðinlegra en að versla í matinn (sem ég geri í algerri neyð)

En nú er kominn tími til að klippa tásurnar og til að gera málið erfiðara þá er orðið erfitt að beygja sig til að t.d. klæða sig í skó eða bara að klæða sig í sokka. Enda er ég farin að vera ansi löt við sokka tilburðina, það er líka óþarfi að klæða sig í svoleiðis þega það er komið sumar. Nú ef ég fer að vera í sandölum þá er kannski eins gott að fara í fótsnyrtingu og hafa lakkaðar táneglur… sem gerir það að verkum að ég get sloppið við baksið á að klippa sjálf og látið snyrtifræðing um herlegheitin. Helv. góð hugmynd :D

Hvað er það leiðinlegasta sem þið gerið???

Ég hef loksins fundið réttu aðferðina við að vigta mig

Tue, 24 Apr 2007 21:39:40 GMT

Ég skil ekki hvernig ég gat gert þetta vitlaust öll þessi ár.......

BINGÓ

Fri, 06 Apr 2007 09:49:12 GMT

Síðast liðinn þriðjudag var haldið bingó hjá Sambó. Við máttum fá 2 spjöld á mann en úr varð met þátttaka þannig að starfsfólk var vinsamlega beðið um að skila öðru spjaldinu sínu. Jújú ég skilaði mínu þar sem gestkomandi kona kom og tók það hjá mér.

Bingóið byrjar og fyrst er spilað B, svo I og svo framvegis. Þegar bingóið er ca. hálfnað þá æpir einhver BINGÓ og viti menn það er konan sem fékk annað spjaldið mitt. Jú auðvitað samgleðst ég henni þar sem hún labbar með vinninginn í burtu. Við höldum áfram og örskömmu seinna er aftru æpt BINGÓ... haldið þið ekki að þetta sé sama kellingin sem var með spjaldið mitt sem vann 2x í röð. Mér var hætt að lítast á blikuna, hún vann á spjaldið sem ég lét frá mér, ekki einu sinni - heldur tvisvar!!!

Jæja bingóinu lýkur og ég fór tómhent heim.